ماسك لنفخ وتفتيح الخدود ونتائجها مبهرة

السلام عليكم

موقع لوامع يقدم لكم : ماسك لنفخ الخدود مجرب و بنتائج مذهلة

مقادير وطريقة تحضير ماسك لنفخ الخدود فعال ونتائجه مذهلة

المقادير

 ملعقة من حبوب خميرة البيرة 

زيت بذر الكتان

3 نقط من خل التفاح

بياض البيض

الطريقة

في زجاجة كنخلطو خميرة البيرة مع زيت بذر الكتان في الشمس لمدة 20 الى 30 يوم

بعد ذلك كنصفيو الزيت وكنديرو قناع بياض البيض مع ملعقة من زيت البذر الكتان منقوع بالخميرة مع 3 نقط خل التفاح لمدة 20 دقيقة كرري هذا القناع كل 3 ايام

و استمتعي بخدود منفوخة و وجه كالبدر .

مقادير وطرق تحضير حلوة الزليجة للاعياد والمناسبات

مرحبا بكم

موقع لوامع يقدم لكم: حلويات العيد والمناسبات

طريقة تحضير حلوة الزليجة بالصور

مقادير وطريقة تحضير حلوة الزليجة

مقادير وطريقة تحضير حلوة الزليجة

نص كيلو كاوكاو محمر و مقشر و مهرمش فالمكينة ميكونش مطحون بزاف

كنعجنوه بشوية د العسل حتى تجمع و يولي عجين

كناخدو لاطةكنفرشو papier sulférisé وكنسرحو

 عليها عجين الكاوكاو بيدينا حتى نديرو طبقة من الكاوكاو متكونش رقيقة بزاف

كنديرو الشكلاط الاسود في حمام مريم

و تنصبوه فوق الكاوكاو و تنقادوه

و تنخليو الشكلاط يجمد فوق الكاوكاو

بلا مندخلوه للثلاجة ويلا دخلتيها غير لتحت ماشي فريكو 

ملي يجمد نحيدو صفيحة الشكلاط و الكاوكاو من اللاطة مع papier

ونحاولو بشوية نقلبو صفيحة الشكلاط و الكاوكاو فوق الاطة بحيث الجهة الي غطينا بالشكلاط تولي لتحت ونفرشو ليها كذلك الورق 

و الجهة د الكاوكاو لي باقي متغطاتش بالشكلاط تولي الفوق 

تنذوبو نفس الكمية د الشكلاط الاسود وتنغطيو بها الجهة التانية لقلبنا و تنكونو مذوبين 50 غرام شكلاط ابيض غنستعملوه للتزيين تنديروه ف بوق ثم كنزوقو به

والان اترككم مع الصور

وصفة فعالة لترطيب وتبيض الرجلين سهلة جـــــــدا وغير مكلفة

السلام عليكم ورحمة الله تعالى وبركاته

موقع لوامع لكل ما يهم المرأة 

يقدم لك سيدتي وصفة ساهلة لتبيض الرجلين

 وصفة فعالة كتخلي الرجيلات بيضين ورطبين.

هاد الوصفة رائعة لرجيلات كتصفيهم وكترطبهم من أول استعمال وحنا ديما تنبغو الحاجة لي كتعطي مفعول سريع و كنتعلقو فخلطات مكلفة وكنخلو لبسيطة ولموجودة وكتعطي مفعول،الوصفة ساهلة و هي :
المقادير:

كمية من الصابون البلدي لي غادي تكفيك

ملعقة صغيرة تحميرة

ملعقة صغيرة خميرة ديال الدار

الطريقة:

كنخلطو المكونات مع بعضهم مزيان وندهنو بيهم رجيلاتنا ولبسوهم ميكا و تقاشر نشقاو بيهم اعرقو مزيان او نجلسو بيهم واحد ساعة ولا ساعتين ونغسلو رجيلاتنا وندهنوهم بفازلين وردو عليا لخبار غايوليو كيلمعو..

طريقة تحضير صابونة النخالة فعالة في تبيض الوجه وتنقيته

السلام عليكم ورحمة الله تعالى وبركاته

موقع لوامع يقدم لكم: طريقة تحضير صابونة النخالة لتبيض الوجه

طريقة عمل صابونة النخالة فعالة في تبييض الوجه

مكونات عمل صابون النخالة سهلة جداً لها دور في تنقية الوجه من الشوائب

المقادير 

نصف صابونة بلا ريحة

3 ملاعق كبار نخالة

ملعقة كبيرة ماء الورد

ملعقة كبيرة مايزينا

ماء غليان

طريقة تحضير صابون النخالة بالصور:

كنحكوا الصابون كما هو موضح 

كنخويو عليه الماء غليان ونخليوه يطلق 20 دقيقة

من بعد كنديروه فوق عافية مهيلة و نزيدو عليه ملعقة مايزينا ونحركوه شوية و غير يدفا عاود ونطفوي عليه

كنضيفو النخالة و نحركووه مزيان

تم تنضيفو ملعقة من ماء الورد و نحركه مزيان

و من بعد ناخدوا بواطة و ندهنوها بالزيت البلدية

نكبووا فيها الخليط ديالنا و نبسطوه مزيان

من بعد ما درناه فالبواطة و بسطناه مزيان كندخلوه للفريڭو و نخليوه ساعة كاملة ،  من بعد كنخرجوه و نقلبوه من لبواطة

و من بعد ما حصلنا على صابون النخالة نقطعوه طريفات ورجعوه للبواطة وندخلوه للثلاجة وقت مابغينا نغسلو وجهنا ناخضو طريف لي يكفانا

طريقة تحضير الكباب المغدور قطع اللحم مع مع البيض

السلام عليكم 

موقع لوامع يقدم:  أطباق وشهيوات عيد الاضحى 2013

طريقة تحضير الكباب المغدور

قطع اللحم مع البيض في عيد الأضحى

مقادير وطريقة تحضير الكباب المغدور

مقاديــــــــــــــــــر قطع اللحم مع البيض

كلغ من اللحم الرطب المقطع قطع صغيرة

 فص من الثوم المدقوق

الملح

 بصلة كبيرة

 رأس ملعقة صغيرة من الزعفران

- ملعقة كبيرة من القزبر المدقوق

- ملعقة من التحميرة

لابزار

شوي قرفة

كاس صغير من الزيت

 5 بيضات

طريــــــــــــــــقة تحضير قطع اللحم مع البيض 

نغسلو اللحم و يقطع الى مربعات صغيرة و نقشر البصل و يقطع مربعات صغيرة كنديرو اللحم و البصل و الملح و الزعفران و الثوم و الابزار و الزيت و القزبرة في طاجين ثم يتقلى فوق نار معتدلة و يحرك لمدة 5 دقائف كنضيفو الماء ونتركه حتى ينضج عندما نتاكد من نضج اللحم كنضيفو البيض بيضة فوقه بدون ان نحركه ونرش عليه مقدونس مفروم من فوق و يقدم الكباب ساخنا .

طريقة تحضير طحال محشو بالكفة من شهيوات عيد الاضحى

السلام عليكم ومرحبا بكم
موقع لوامع يقترح: شهيوات عيد الاضحى 2013

طريقة تحضير طحال محشو بالكفتة

مقادير وطريقة تحضير طحال محشو بالكفتة

المقادير

4 طحال 

 مقاديرالحشوة

350غ من الكفتة

5 معالق من البقدونس كبار

حامضة مقطعة قطع صغيرة

100غ من الزيتون مقطع قطع صغيرة

الملحة و الابزار حسب الذوق

القليل من الهريسة

معلقة صغيرة من الكمون

4 فصوص ثوم مهروس

مقادير المرق

كأس ماء كبير

حبة كبيرة من البصل

طريقة التحضير

 في اناء نضع مقادير الحشوة ثم كنخلطوهم مزيان

نفتح داخل الطحال بسكين حاد

ونضع الحشوة في جيب الحلواني ثم يملا به الطحال

كنستعمل الابرة و الخيط لخياطة الطحال او عيدان الاسنان حسب الرغبة 

ثم نضع الطحال في طنجرة مع البصل المفروم و الماء . 

يترك على نار متوسطة حتى يطهى جيدا. 
وبالصحة والراحة.

طريقة تحضير الخليع من شهيوات عيد الاضحى

السلام عليكم ورحمة الله تعالى وبركاته

 موقع لوامع يقدم : طريقة اعداد الخليع بالصور

طريقة تحضير الخليع بالصور

الخليع المغربي من شهيوات عيد الأضحى

مقادير الخليع

كمية من اللحم(كيلو) كيكون فيه غير الهبرة كنقطعو طريفات صغار 

كنرقدوه في كاس معامرش ديال الملحة

 3 معالق كبار قزبور حبوب مطحون

 نصف كاس ديال الخل

شوية ديال سكينجبير

راس ديال التومة مطحونة 

طريقة تحضير الخليع بالصور

كنرقدوهم و نخليوهم ليلة كاملة في التلاجة 

و نستفوه في بلاطو و نديروه ييبس في الشمس بحال القديد

هنا منين يبس 

كنديرو 3 ديال الكيسان ديال الزيت البلدية و كاس ديال الماء و شوية ديال القزبور يابس و كنعمل اللحم اليابس ديالي في الطنجرة يطيب على عافية مهيلة

باش ميجيش يابس

و ندوزو للشحمة كندوبوها بوحدها

عاد كنضيفوها ليه تكون ديال الكلوة من بعد ما صفينها

و كنزيدوكاس ديال الزيت و نخليوه يطيب مزيان خاص داك الماء كلو ينشف باش ميخسرش و ديما على عافية مهيلة

و نعمروه في القراعي

وهاهو الشكل النهائي للخليع

طريقة تحضير الكديد في عيد الاضحى

مرحبا بكم عواشركم مبروكة

موقع لوامع يقترح عليكم : شهيوات عيد الاضحى 2013

طريقة عمل القديد للعيد

طريقة تحضير القديد لعيد الأضحى

مقادير القديد 

لحم الضلوع+الملح يكون كثير+التحميرة+التصفيرة+ابزار+الكمون+القزبور كارم+شوية الزيت الرومية

طريقة تحضير القديد 

كناخذو اللحم ونشرحه رقيق ماتكون طبقته غليضة

يعنى بشكل طويل مثل الحبل 

ونشرملوه مزيان بالعطرية مخلطة مع الماء والزيت غير شوية ونديرو الملح مزيان باش مايتعفن 

ونشروه في الشمس

ونخليوه في الشمس حتى يكرم يعني ييبس مزيان

وكنديروه في بلاستيكة غدائية ونديروه في الثلاجة

طريقة تحضير الكرداس في عيد الاضحى

مرحبا بكم

 موقع لوامع يقترح : وصفات لعيد الاضحى 2013

الكرداس بالصور

طريقة تحضير الكرداس لعيد الأضحى

مقادير الكرداس

المصارن المنقيين ومنظفين ومغسولين جيدا 

الكرشة مغسوولة جيدا

الرئة المغسولة جيدا

البلعوم *القرجوطة*

و الشحمة لي تتكون مع الكرشة 

طريقة تحضير الكرداس بالصور

كنقطعو كل من الرئة و البلعوم و الشحمة بالطول *طوليا* ونرشو ليهم الملح والكامون وفلفل أسود (كاينين لي تيديرو العطرية كلها انا غير الملح و الكامون)

كنقطعو الكرشة على هدا الشكل حسب لي بغيتو اما كبيرة اولا صغيرة ونرشو ليها الملح بزايد و شوية ديال الكامون فلفل أسود

ونستفو داخل الكرشة الحشوة ديال الرئة و البلعوم و الشحمة

كنجمعو وناخدو المصارن ونلفوهم فيها

على هدا الشكل و بنفس المصارن بلا ميتقطعو نلويو بيهم كرداسة اخرى وهكا حتى النهاية 

نديرهم في اناء ونرشوهم بالملح مزيان ونخليوها ليلة كاملة في الملح 

خاص الملح يكون كثير باش ميتعفنوش حتى من الداخل

من بعد كنشرو الكرداس في الشمس حتى يكرم (ييبس) 

وقت ما بغينا نديروه كنديرو كاين لي تيخليه حتى لعاشوراء

وبالصحة والراحة.

وصفات لعيد الاضحى : لحم باللوز والروز بالخطوات

عواشركم مبروكة

موقع لوامع يقترح: شهيوات عيد الاضحى 2013

لحم باللوز والروز بالصور

مقادير وطريقة تحضير لحم باللوز والروز بالخطوات 

  مقادير لحم باللوز و الروز 

كيلو لحم 

125غ لوزمسلوق

بصلة

ملعقة صغيرة سمن

نصف كاس مخلط زيت بلدية والرومية

الملح+ابزار+الزعفران الحر+كامون+القليل من الزعفران الملون

طريقة تحضير لحم باللوز والروز بالصور

في طنجرة كنديرو 

لحم و البصلة مقطعة و السمن ثم الزيت و الملح و الابزار و الزعفران شعرة و القليل من الزعفران الملون

تم كنضيفوا كاس صغير ديال الماء و نعملوا الطنجرة فوق العافية حتى يتشحرلينا اللحم مزيان

من بعد ما تشحرات كنضفو اللوز مسلوق و مفسخة ثم كنديرو الماء الكافي لطنجرة

 فاش يطيب لينا اللحم ثم كنغطيوا الطنجرة بلا منسدوا عليها و نخليوا اللحم يطيب على عافية متوسطة

منين يقرب يطيب اللحم كنضيفوا بصلة اخرى مقطعة 

و نسدوا الطنجرة حتى يكمل اللحم الطياب و البصلة و نحاولوا البصلة كنخليوها تبان شوية في الطياب اي ماشي نطيبوها حتى دوب باش تعطي المنظر في التقديم

بالنسبة للروز

نسلقوا الروز مع شوية الملح و الزعفران الملون حتى يطيب و نصفيوه تم نشحروه واحد الشوية في شوية الزبدة

هاهو اللحم  باللوز والروز

وبالصحة والراحة

وصفات عيد الاضحى: مصارن معمرين بالصور بنان بزااااااااااااف

السلام عليكم وعواشركم مبروكة 

اليوم موقع لوامع يقدم لكم : وصفة من وصفات عيد الاضحى 2013

مصارين معمرين بالصور بنان جربوهم اغدين تشوفو

مقادير وطريقة تحضير مصارن معمرين بالصور

مقادير مصارن معمرين:

لحم مقطع قطع صغيرة +كبدة مقطعة+رئة+ قلب+ كلية من الخروف

كذلك + مصارن *الامعاء* وكرشة المعدة منظفة جيدا بالماء والخل والملح وتحك بالسكين لازالة المادة المخاطية من الامعاء 

2 بصل مقطع قطع صغيرة

قزبور ومعدنوس

اوراق نعناع 

اوراق ريحان

كأس من الارز 

2 ملعقه صلصة الطماطم 

5 ملاعق كبير زيت 

نصف ملعقة كبيرة ملح

 ملعقة كبيرة فلفل احمر + بهارات مشكلة من كل نوع ربع ملعقة صغيرة .

فلفل اسود

خرقوم

 هريسة

 

طريقة تحضير مصارين معمرين بالصور

تغسل كل الخضار وتقطع قطع صغيرة ويغسل الارز واللحمة المقطعة والكبدة وتخلط فى اناء كبير

وتضاف البهارات و2 ملاعق صلصة الطماطم و الزيت,وباقي البهارات

المصارن طبعا يجب ان تصفى كلها من الماء ثم تغسل الفوارغ جيدا وتنقع فى الملح والخل ثم تحشى بالخليط وتوضع فى طنجرة بها ماء مغلى

به زيت وطماطم وفلفل وكركم وملح تقريبا نصف ملعقة كبيرة طماطم وملعقة صغيرة لباقي المقادير

توضع الامعاء والكرش بعد الحشي والخياطة بالابر والخيط او غلقه بعود الاسنان

ثم نعمل ثقوب

وتوضع في المرق الذي يغلي وتترك لمدة ساعة حتي تنضج الطنجرة مغلقه حتى تستوى

الامعاء الدقيقة يجب طبخها على البخار فقط

ونقطعها قطع بطول الاصبع وتقدم ساخنة .

بالصحة والراحة